ليش تكلي احبك بس بدون احساس

ليش تكلي احبك بس بدون احساس

يعني شلون ؟ ما افهم صرت قصدك

اذا ودك تغيير .. كلي دون اسرار

لــتحبني بكلامك .. حبني بــــودك

من يوم السألتك واني مامرتاح

ولاعيني غفت من اسمعت ردك

اكضي الليل صافن واحجي اني وياي

ابرر موقفك واتعذر الصدك

تراوالي المحبه تزيد يوم بيوم

ويحسدني اليشوفك يمي ويحسدك

عجيبه شبيك تبعد من امرن بيك

وليش تضم علي كل عطرك و وردك

جرفك اني يانهر الحسن مشتاك

صار هواي مامر للجرف مدك

صار هواي ادور بينك انت وبيك

بلكي الكاك بيك وودك يردك

مالومك الك بس اني هم معذور

ماتعرف همومي بهلوكت بعدك

صدكني الوكت وك لعب دوره وياي

والدنيه بغفل من حالي باكتني

زرعتني بجروح وضوكتني الويل

وتعب فوك التعب ويايهه تعبتني

غسلتني بدمع وبليل وبكابوس

ولمن كملت .. بالنار شرتني

جرحتني وكبر بييه الجرح اضعاف

وبسموم الدهر صدكني داوتني

ومن ملت ولك فلت ضمادي بساع

وبحلك الجرح مجروح خلتني

حبيت الحياة برغم كل الجور

بس دنياي ابد ما يوم حبتني

اذا ودك برد .. حقك وانه الغلطان

واعذرك لو رحت .. شو كلهه عافتني

واذا عني رحت مر بييه كلما انام

لان بجفوني صوره وياك رسمتني

اضل كل عمري نايم واعكد الجفنين

اذا طيوفك حلم وبليله مرتني

شكرااااااااااااااا على الموضوع

منتديات خو ماكو شي

شكرااااااا استاذ حسن على القصيدة الراااااااائعة عااااااااااشت ايدك دااااااااائم ذوااااااااق

» الريال يبدأ الاستعداد لمواجهة ليون بدوري الأبطال بدون لاسانا وشاهين وكارفاليو وألبيول